文章分類: 閒話家常 (燦榮之友)

港台楝篤笑20090619

licw2004 — Fri, 19 Jun 2009 21:45:15 +0800

某年某月某日某傳媒，老總行唔安，坐唔樂，話說呢幾日的頭條新聞，雖然大部份傳媒都係揀豬流感，正生書院或者學生索K，但因為佢地習慣人做我唔做，又或者早人一步做，而家為左度新穎頭條，日日出白頭髮。搞到唔知點應變。江湖傳聞話，佢地高薪請左精神科專家DR WING同老總做左個心理分析。對話據講係咁:

阿老總: 我係DR WING, 心理學專家，以我最醒，你只要跟我指示，我講乜野，你聯想到乜就講乜啦，例如我話黑，你諗到白，咁就講白，我話鹿，你諗到馬，咁就講馬，我話一，你諗到二，就話二，咁我就可以幫你斷症，明唔明?

明

咁開始啦，第一個

無事呻吟 (事事擔心)

###

咁都幾公整，四個字對四個字，問題唔大，繼續啦:

直播新聞 (嚇到你暈)上網新聞 (日日頭痕)戴口罩(有內奸)舉紙牌(反革命)

拍手掌(炒魷魚)

歡呼(作反)

李燦榮(反骨仔)

燭光晚會(最後晚餐)8 X 8 = (六十….唔係…TAKE 2, 係100-36)咁100-36呢? (十五萬….唔係…TAKE 2, 係六萬二千八百)排頭條(搵阿爺)排二條(搵阿爺)排三條(是是但)#####

阿老總，你個病好清楚，叫做先天北風免疫力缺乏症，傳播力好勁，分分鐘利害過人類豬流感，喺社區爆發，醫管局暫時都未搵到疫苗，不過我都識醫，我介紹DR LI比你就得。

佢乜咁堅呢?

聽個名都夠堅，DR LI全名叫李阿爺醫生，唔使叫醫生，只係叫佢阿爺，咁就得。

明白了阿爺，請問今日頭條點排呢?

攞你張新聞菜單來睇睇，有，就排第六十四條呢單體育新聞做頭條啦，

吓呢單，瑞士網球手費達拿準備參加溫布頓，點解呢?

因為未發生，唔使直播，而且係國際新聞，顯示你事事關心。

#####

咁二條排乜呢?

洲際國家盃埃及國家隊對世界盃得主意大利啦，啱啱先打完。

吓，轉播權唔係我地呢度噃?

之咪係囉，咁咪大條道理唔使直播囉。

咁點解釋呢?

我乜都幫你諗埋，咁不如我做老總啦，咁，你訪問我崔教授，佢一定幫到你。

各位觀眾，今日新聞的頭條係費達拿準備參加溫布頓網球賽，呢單新聞的重要性，我地交比WATER 崔，崔博士同我地解釋下。

呢單新聞好有意思，學術上叫蝴蝶效應，

所謂蝴蝶效益，最初係指非洲一隻蝴蝶拍翼，可以影響美國德州有一場龍卷風。

咁瑞士網球費達拿早排攞左法國網球賽冠軍，而家準備打溫布頓，而西班牙巴塞羅拿法國前鋒亨利和美國高爾夫球手活士近排同時勝出，其實係關連? 因為三個人一齊拍左個鬚刨廣告，由此顯示，蝴蝶效應已經喺全球出現，唔排除慶祝的人潮，七月一日會喺香港出現。

#####唔該，今日第二條新聞，係洲際國家盃埃及隊無罷踢，繼續同世界盃得主意大利對賽，竟然可以拉成均勢，先入一球，跟住仲一比零到尾…。咁呢場波，乜咁重要呢?我地再請教崔教授，

其實呢單都係講蝴蝶效應，一場遠在南非的球賽，對香港都有影響，話說埃及上場波對巴西，明明犯手球先輸一球致命十二碼，但都聲大夾惡話球證唔啱，無理由睇完慢鏡至判，聲言要罷踢，結果唔踢又踢，唔知想點，影響所及，喺香港的梅窩，一啲居民，口口聲聲話支持正生書院的精神，但又叫人做吸毒仔，吸毒妹。話最好慢慢諮詢，或者搬去第度，都唔知佢地想點，呢個現像係蝴蝶效應中的變種，叫埃及效應，或者正生效應。

#######

好啦，我地再睇埋呢第三條新聞，就係正生書院申請去梅窩的爭議，究竟點樣解決呢次紛爭呢?再次有請崔教授做評論，

分短期同長期先講短期，聖經有個故事，講所羅門王判決一個爭BB啲故事，話說有兩個女人，都稱聲自己係一個BB的母親，咁羅門王就話，將個BB斬開，一人一半，咁其中一個女人話寧願唔要，咁所羅門王就明白，呢個有惻忍之心的，先係生母。

崔教授，呢個例子，點應用喺正生

好簡單，既然梅窩居民話反對正生書院遷校，又話好想自己啲子女原區就讀，咁我地就比的梅窩居民同正生學生一齊喺一間學校上堂，睇下邊個縮沙，點都好，都係佢自己的選擇。

咁長期又點解決呢?

長期就要解決香港索K的問題。

有人話係因為K仔平，傻啦，三聚菁胺夠平啦，都唔見有人買含有三聚青胺奶粉啦。

講到底，係因為啲後生仔覺得型，為左令佢地覺得索K好瘀，你地可以拍一系列的電視廣告，搵啲政治人物做宣傳，自然嚇怕後生仔。

例如高官有句名言，人生有兩件事必然發生: 死亡同交稅，而家可以咁改: 人生有兩件事必然發生，就係死亡同索K。你今日索左未呀?

########

好啦，跟住跟埋大家追睇的千億元爭一個橙的案件，最近要出動到筆迹專家，今日新聞通識，有慕容大師同大家介紹下乜野係筆迹專家。

咁唔該晒，其實臨摹專家:唔使喺外國請返來，因為全港真係有好多，例如，在小學和中學。

江湖傳聞已經話，部份小學生，平均每日要冒簽一個家長的名，一年就要冒百幾二百次，學校手冊中不少家長的正簽名，有啲都係出自小朋友手筆，所以話，電視新聞只係小兒科，以後唔好睇少啲細路哥。

NBA 與英超

licw2004 — Sat, 13 Jun 2009 11:47:33 +0800

【明報專訊】英超足球聯賽風靡全球，連NBA 也要參考他們的市場策略。據《金融時報》報道，NBA派出代表赴倫敦，與英超代表商討合作事宜。

努力吸引外資

英超在出售轉播權時的分區銷售策略，向來視為傑出的營銷範例。雙方在會面中拿出有關轉播權的文件互相比較，NBA對於英超在亞洲地區的「撲水法」尤其感興趣，有意搬字過紙式效法。

NBA總裁史端不以抄襲為忤：「我們是沒有悔意的模仿者。英超在轉播權談判的能力及他們分拆轉播權套餐的方法，是我們可以學習的。」NBA向來直接與每家電視台談判，而非如英超般以類似代理形式按地區出售。

近年英超湧現外籍班主，雖然中國投資者近日成為NBA球隊騎士的股東，但史端坦言，英超在吸引外資方面棋高一着，NBA亦自愧不如：「英超在這方面領先我們，有來自俄羅斯、美國及中東的投資者。」

Educating Comedians ---fr Scientic American mind

licw2004 — Sat, 06 Jun 2009 18:31:33 +0800

Psychologist Paul McGhee, public speaker, author and president of the Laughter Remedy in Wilmington, Del., has developed a humor-training program designed to help healthy people to cope with ordinary stress. Humor training coaches people to emotionally distance themselves from bothersome issues and to relax and experience pleasure. McGhee's program consists of eight steps, each of which is supposed to take approximately two weeks to complete:
Characterize your own sense of humor.
Become less serious and more playful about life.
Work on your belly laugh.
Improve your ability to tell jokes.
Create your own spontaneous humor.
Find humor in daily life.
Learn to laugh at yourself.
Use all of the above to cope with stress.

彌敦道

licw2004 — Thu, 28 May 2009 07:40:58 +0800

讀小學的年代，不認識彌敦道，亦不必認識。

日常起居，只知道芙蓉山和新村排已足夠，新村排在芙蓉山，芙蓉山在荃灣，新村排，好聽的版本，可以叫半山區，但這個半山區有別於香港島的半山區，這裡沿路可以見齊十二生肖，龍同虎都有，是的，有人喜歡不穿衣服，露出紋身嘛，另外路上可以踏到的，有雞屎、狗屎、豬屎甚至人屎。

---------

中學認識彌敦道後，亦不想去，不是因為有更難忍受的屎，而是同晨光同事鵬仔一樣，屬於鄉下仔，擔心坐巴士，可能有更難忍受的暈浪作嘔感覺。

直至有一日，要探望一位住在九龍的老師，要忍住作嘔作悶，坐巴士，去到彌敦道。剛下車，要蹲在地上，深呼吸，一分鐘後都未能站起來。

這個時候的彌敦道，路越長，人越多，我越怕。

只希望不再怕彌敦道，在那裡蹲下，要從那裡站起來。

圍繞這念頭踏出的第一步，是由彌敦道步行回荃灣。由白天行到入夜，但人生有幾多個十年? 能行多少次呢?

-------

八五年浸會傳理系畢業，加入了亞洲電視新聞部做記者，差不多忘記了之前的經歷之時，香港突然出現了一個大賊，在彌敦道手持AK47打劫金行，事後警察封鎖大段路面，我終於以記者身份，不受平日的的限制，在行車道跑來跑去，是的，是行車道，不是行人道。

後來大家才知道，這個大賊叫葉繼歡，想不到，一個叫阿歡的大賊，為我帶來了彌敦道上的第一次歡樂。

這個年代見到的彌敦道，賊越惡, 事越複雜，學得越多, 人生只要經歷一兩個十年，已經算是不枉此生。

----------

2004年無線電視裁員，因此離開了前線採訪崗位，變身另類傳媒人，兼做培訓師，其中一個教授的項目是推銷，遇上一個客戶，是大型老牌金行，為著了解培訓後的成果，一個不能不到的地方，叫彌敦道。

這個時候看見的彌敦道，路越長，人越多，越開心。

彌敦道沒有為我而變，變的，是我自己。

人生有幾多個十年? 告訴大家，是無限。

誰說的? 是我。我今日的名字，叫無限可能。

世界經濟的三原色

licw2004 — Sat, 23 May 2009 03:15:16 +0800

绿色的美元，黄色的黄金，黑色的石油，被称为世界经济的“三原色”。

1004% formula by Brian Tracy

licw2004 — Mon, 18 May 2009 23:45:20 +0800

nIncrease productivity 0.1% each day

nFive days per week

nFour weeks: 2%

nOne year: 26%

n10 years: 1004%

what is truth---quote from Scientific American Mind

licw2004 — Sun, 17 May 2009 03:39:49 +0800

Consider a woman who has just received a positive result from a mammogram and asks her doctor: Do I have breast cancer for sure, or what are the chances that I have the disease? In a 2007 continuing education course for gynecologists, Gigerenzer asked 160 of these practitioners to answer that question given the following information about women in the region:
The probability that a woman has breast cancer (prevalence) is 1 percent.
If a woman has breast cancer, the probability that she tests positive (sensitivity) is 90 percent.
If a woman does not have breast cancer, the probability that she nonetheless tests positive (false-positive rate) is 9 percent.
What is the best answer to the patient's query?
A. The probability that she has breast cancer is about 81 percent.
B. Out of 10 women with a positive mammogram, about nine have breast cancer.
C. Out of 10 women with a positive mammogram, about one has breast cancer.
D. The probability that she has breast cancer is about 1 percent.
Gynecologists could derive the answer from the statistics above, or they could simply recall what they should have known anyhow. In either case, the best answer is C; only about one out of every 10 women who test positive in screening actually has breast cancer. The other nine are falsely alarmed. Prior to training, most (60 percent) of the gynecologists answered 90 percent or 81 percent, thus grossly overestimating the probability of cancer. Only 21 percent of physicians picked the best answer — one out of 10.

change

licw2004 — Sun, 22 Mar 2009 19:39:49 +0800

In a recent experiment psychologist Kate C. McLean of the University of Toronto Mississauga asked 134 volunteers of different ages — some older than 65 and others ranging in age from late adolescence through young adulthood — to describe three self-defining memories. She found that both old and young participants reported novel experiences such as the death of a partner, an unexpected career advancement or a cross-country move. The older people ascribed different meanings to these events than the younger people did, however. For younger people, external changes were more likely to lead to internal transformation, but that was not the case for older individuals.
These very different narratives are no coincidence. Personality traits change more during young adulthood than any other period of life, according to psychologist Brent W. Roberts of the University of Illinois, who together with two colleagues analyzed 92 studies of personality development. They concluded that some personality changes occur well past the age of 30 but that typically these changes are small in magnitude compared with the changes that occur between the ages of 20 and 40.
Even major life events such as a divorce or the death of a loved one, though stressful, are unlikely to result in profound personality changes. The middle years of life are often a time of reflection and reevaluation, but few people experience a genuine "midlife crisis."
The structure of ones personality becomes increasingly stable until about age 60. "That means that a person who is particularly conscientious at the age of 40 will be conscientious at 60 as well," Borkenau says. Stability decreases again, however, after the age of 60. It seems that people are only able to become more open to new experiences once they have fulfilled their life obligations — that is, after they have retired from their careers and their children have flown the nest.

長恨歌

licw2004 — Sun, 15 Mar 2009 11:15:11 +0800

四點不收無奈何宛轉蛾眉獅前死

眼鏡滿地無人收翠翹青姐玉搔頭

眾人掩面救不得回看血淚相和流

紅獅散漫風蕭索雲棧縈紆登劍閣

星光道下少人行旌旗無光日色薄

河江水碧荷包青債主朝朝暮暮情

行街見血傷心色股價聞零腸斷聲

天旋地轉糊塗夜到此躊躇不能去

獅子山下泥土中不見股民空死處

你我相顧盡霑衣北望神州信有水

歸來池苑皆依舊特首笑容未似有

芙蓉如面柳如眉對此如何不淚垂

春風桃李花開日跨國企業裁員時

聯交所內多臭草大鱷滿街何不掃

香江子弟白髮生要求證監問有無

問責高官施施然爛口 “挑”盡未成眠

獅子變巨蟹

licw2004 — Sat, 14 Mar 2009 10:07:32 +0800

競價一年已亡亡。不自量。自難忘。獅子變巨蟹，無處話淒涼。今時匯控貎全非，愁滿面，鬢如霜。十年股價忽還鄉。小喇叭。正低贜。相顧無言，惟有淚千行。料得今年腸斷處，茫茫夜，荷包乾。

貨幣戰爭(續)

licw2004 — Sun, 25 Jan 2009 13:10:55 +0800

曾經出版暢銷書「貨幣戰爭」並準確預言全球金融危機的學者宋鴻兵表示，這次金融大海嘯共有地震、海嘯、火山爆發、陷入冰河四個階段。

宋鴻兵對香港「文匯報」指出，金融危機的第一階段是次級房貸「地震」，從2007年2月到2008年5月，以美國的「兩房」難以為繼為主要標誌。

第二階段是違約「海嘯」，從2008年6月到2009年上半年，主要表現為規模為62兆美元的信用掉期市場發生違約危機。

第三階段是利率「火山爆發」，主要表現為信貸全面緊縮造成長期貸款利率飆升，進而引發規模將近600兆美元的利率掉期市場出現危機。

第四階段為美元「陷入冰河」，全球美元資產將出現信心危機，從而動搖美元世界儲備貨幣地位。

宋鴻兵出生於四川，1994年赴美國美利堅大學留學，2002年起先後在美國房貸公司房地美和房利美擔任諮詢顧問，2007年6月出版暢銷書「貨幣戰爭」。

一百歲唔死有新聞

licw2004 — Sat, 24 Jan 2009 21:26:15 +0800

31歲，五呎一吋高，竟然可以扮細路騙人，又竟然有人信

近日最受歡迎日用品，是夾萬。

香港人想移民澳門，又真係幾千人入籍澳門...攞錢

警署發生強姦案

急症室外見死不救

語文政策 "微調"

東區醫院唔見屍体

總統宣誓再重來

馬多夫騙500億美元

陳水扁話死不瞑目

李嘉誠話視富貴如浮雲

特首又話視民望如浮雲

政改推遲，因為金融海嘯

黃毓民掟蕉，政府多比三百元....是每個老人

周慧敏相信結婚可以持久

美國人相信奧巴馬可以解決金融危機

奧巴馬上場

licw2004 — Fri, 23 Jan 2009 22:37:01 +0800

奧巴馬就職，人人笑餐飽(如果你識笑)，因為:

1. 大法官記錯對白，總統宣誓都要重來。

2.馬友友表演四重奏，同北京搞奧運一樣....播帶。唔敢現場LIVE，為中國人在奧運咪咀平反

3.奧巴馬不再談CHANGE，談責任，變調之快，比中國變臉有過之而無不及

4.奧巴馬發表演說，AUTOCUE(提詞機)放兩邊，所以只懂兩頭望，但係無錢速速磅。

5.每次演講都大大聲，證實大聲真係唔代表無禮貎

6.一上場即指中國操控人民幣，觀點新穎，妄顧美國大印美鈔事實

正道是: 天下烏鴉一樣黑，黑人總統黑上黑

楝篤笑09之三:哈你唔識評論

licw2004 — Fri, 16 Jan 2009 23:43:51 +0800

今日同大家講下哈佛商業評論的09突破性思維

慕容大師，咪住先，阿李燦榮喺一台寫藍地球聲音欄目，已經講左好多，有乜其他野講下呢

有，例如民間不傳秘本:哈你唔識評論，係另類學問，包括左悲觀學、陰謀學、江湖傳聞學等等。唔少仲係香港案例。

你話有一門悲觀學，有乜作用呢?

不如反問你，識唔識乜野人，買六合彩，買極都唔會中呢?

有，成日都有啲咁既人啦。

咁再問，如果我地可以集齊呢啲人，洞悉佢地買六合彩的號碼，然後買晒佢地無買的號碼，你覺得有無用呢? 明白悲觀學有乜用未呢?

明白，咁哈你唔識評論有乜關於悲觀的分析呢?

哈你唔識評論第一課，就係教你，點樣判斷邊個係悲觀人，例如本港有一啲升降機斷纜，啲悲觀人會話你知，

股巿本來話可升可跌，但09之後，顯示係可跌機會高啲，因為公屋的升降機無端端又斷纜，咁即係佢升你仲驚。

又例如呢排發現左好多人民幣偽鈔，佢地可以睇到好負面解釋。

例如話

而家發現好多HD90字頭的偽鈔，佢地會反轉來讀，係09DH，即09DIE HARD 死硬咁解呀。

============笑====================

大師，明白乜野係悲觀學，但有無啲陰謀學分析呢?例如二級瀕危的國寶級動物娃娃魚，點解送來香港呢，早排佢地先話養唔掂啲國寶中華鱘。

你真識問，知道呢個係陰謀論的範圍，其實個重點你都講左，而家中央係由一級國寶，送到二級國寶，即係好似國際評級機構一樣，又或者香港中學分級一樣，話海洋公園的評級由BAND 1，下降到BAND 2咁解。

===============笑==================

明白，咁你又話有江湖傳聞學，有乜文章呢?

有，哈你唔識評論，引述江湖傳聞版編輯話，:本港語文政策呢個微調的字眼，原來係問過一位高人至定出來，呢位高人以前週遊列國，好早年去過澳洲，佢問啲澳洲人，呢啲動物係乜來嫁，咁啲土人話KANGAROO，即係袋鼠啦，後來高人先發現，原來啲土人係話我聽你唔明，KANGAROO係當地土話，聽唔明咁解。

咁自此之後，高人就明白，當佢自己遇到聽唔明或者唔識答的問題，都可以用人四地聽唔明的標準答案來回應。

例如:

高人，我今天有無橫財，眼眉調，

今朝應唔應該聽晨光呢?眼眉調

教育局高官問佢，我地個語文政策點搞呢?眼眉調

就係咁，教育啲官就想到叫微調方案。

==========笑============

但係唔好次次用同一個答案丫，有無第個答案呢?

有，咁你試下問，我試下答丫?

政府做唔做政制檢討呢?

金融海嘯。

政府係咪檢討醫療政策呢?

金融海嘯。

香港電台前途點呢?

坐港鐵啦

咁即係點呀?問非所答咁。

坐港鐵啦?

仲唔明?

畫公仔畫出腸，我地搭港鐵，無論因為乜造成延誤，有段錄音就話

WE APOLOGIZE FOR THE CONVIENCE CAUSED

官員而家就係用左一段錄音回應法，乜都話同金融海嘯有關而唔做，明唔明?

==================笑=====================

大師，特首押後政制檢討，話同金融海嘯有關，啲官又好似錄音機咁，係乜野原因呢? 呢個其實係秘密來，因為有一次，高官問我，為官之道係乜，我就求其答，話睇論語第七頁啦，後來發現，呢一頁係話，益友有三，即係友諒，友直，友多聞，用廣東話解釋，係交朋友，要楝正直、誠實同見識廣博。 咁都錯有錯著，都幾好丫。

都係，不過呢一頁下半部係講損友有三，即友便辟，友柔善，友便佞，即要擦鞋，搖風攞柳同吹水，哈你唔識評論做左個非正式調查，發現呢三招，反而成為左官場必殺技。

=================笑================

阿大師，有個秘密傳聞，話你係哈你唔識評論大中華區的編輯，係唔係呢?

咁都比你知道，好野。八十年代，中英會談講香港前途，英國派出外相賀維，港督尤德同外次雷斯，我好早就評論，英國一定輸。

點解呢?

因為賀維英名叫HOWE, 尤德英文叫YOUDE, 雷斯叫LOSS, 夾埋即係HOW YOU LOSS HK，中文即係 “你點樣失去香港”咁解。

嘩，真係好勁噃，我仲聽到一個叫阿扁的人，想你諗個辦法幫佢，希望打官司唔會上身，話係佢老婆貪錢，自己一概唔知，哈你唔適商業評論有無提供辦法呢?

有，只要搵個大師級的人，好似我咁，證明佢係劫財星坐夫妻宮，咁就可以推到老婆身上，話天註定老婆劫財，咁可以脫身。

咁唔知要使幾多錢呢?

好平啫，七億新台幣啦

你咁都得

當然啦，你以為佢真係貪左七億咁少?

=============笑===================

講多樣野你知啦，阿扁屬水，來緊係牛年，屬土，水來土掩，我幫佢，都好冒險嫁，唔係大師級，都唔敢出謀献策，所以連奧巴馬都搵密使，問我大計

咁你比左物野大計佢呢?

呢條天橋，話說佢而家的民望好高，有成八成幾人滿意，一般認為，佢上場之後，根本無可能即時改善經濟，咁民望必跌，為左解決呢個困局，佢可以先將個大巿推低三份一至一半，咁上場不足一百日，咪比較容易救巿，民望咪唔會跌囉。你留意下，呢排個巿真係會越來越殘。

===========笑==================

咁都笑得出，離晒譜，咁香港踏入零九又會點呢

呢樣野，就連哈你唔識商業評論都無講，咁我私人話大家知，謝安琪喜帖街啦。

乜意思呢? 謝晒，定係謝天謝地，有喜，定衰到帖地呢?

傻仔，你聽到乜咪係乜囉。

楝篤笑09之二:創意篇

licw2004 — Sun, 11 Jan 2009 13:13:27 +0800

踏入零九年，有一單意想不到的新聞，世界新七大奇景選舉，除了大峽谷、大堡礁等等著名景點入選，香港的望夫石，竟然列入二百幾個候選名單。其實香港真正出名，不是自然奇景，是人為的奇蹟，隨便都數到幾單。鵬仔，試下數一啲聽聽。 醫院殮房BB屍體失踪夠奇，政府建議取消英中中分法，叫彈性班，話呢種造法係微調，又係奇。 好野好野，咁再數丫。 另一單，明愛醫院旁邊有人暈左，醫院員工叫家屬自己打999.夠晒奇 呢個都算奇，不過明愛見死不救之後，有其他醫生喺其他醫院旁邊急救暈左的病人，做一啲理所當然的責任，竟然受醫管局高層讚揚，咁先夠奇。 咁呢單啦，亞洲電視一個咁大的電視台選美，發現左選舉結果同網上投票唔同，即係造馬.夠奇啦 都話發現左啦，但電視台竟然要再調查個幾月，到而家都未有公布，咁先算奇。 無線金曲頒獎，關心妍聽錯自己攞獎，真係好少見。算奇啦，不過仲奇的，係見慣世面的司儀，竟然由得佢出醜，更奇係個頒獎禮，表面主角係得獎歌手，但鏡頭影得最多的，變成真正主角的，是坐後排，一啲大胸，肯晒身裁的二三線歌手，正如郭倩妮超低胸出現喺台慶頒獎禮，坐喺阿姐背後，鏡頭成日用佢做背景一樣，呢啲先算奇。====================笑===================跟住呢單一定算奇，係堂堂的海洋公園，竟然養唔掂十條中華鱘，仲要送兩條返內地醫。 呢個真係奇啦，但最最最奇，係海洋公園搵個中國專家一齊開記者會，話生老病死係自然定律。

我慕容大師話你知，呢個絶對唔係自然定律，係風水問題，因為海洋公園屬水，而根據九宮飛星，水屬於北方，啱啱今年北方遇到五黃呢個病符，所以海洋公園咪出事囉。

大師，雖然我唔識睇風水，但係個五黃位，好似係己丑年牛年至喺北方噃

E, 睇真啲，係噃，…..我其實試下你反應唧…..哦哦，我意思其實係來緊一年，仲煩咁解，另外呢，其實出事有其他原因，係因為姓名學。

其實舊年係好清楚顯示，叫國寶係有機會都出事，例如李國寶，08年已經證明左唔係好好運，個人已經涉及內幕交易，雖然幫過特首做助選，一樣搞到要辭任行政會，跟住佢間東亞銀行又比人惡意傳壞消息，搞到擠提。

另一個國寶級人馬劉翔，無端端隻腳都會出事。

咁熊貓呢隻真正國寶又咬管理員，中華鱘出事又有乜奇呢?

================笑===============

咁有物解救方法呢?

要解救，其中一個辦法係改名，以後唔好話佢係國寶，即係好似啲BB一樣，唔讚得，話係醜樣，咁個天就唔會比佢出事，道理相同。

而家有議員同學者建議，將餘下的所有中華鱘，全部比番中央，先可以徹底解決問題，咁你仲有乜野建議呢?

稍稍用腦的人，會想到幾種辦法，例如

1. 問中央攞多幾條，例如三條

2. 派代表，例如官員或者海洋公園專家，北上學法，返來再學以致用。

3. 要求內地專家長駐海洋公園。

4. 搵風水師，因為已經有熊貓同海獅出事，一定係事風水出事，唔係咁簡單。

5. 搵美國人幫手，或者送左去美國醫，因為國寶劉翔都唔留喺中國醫，走去美國做腳的手術，證明鬼佬有料到。

=================笑=================

不過，點解政府同海洋公園，好似唔知點做呢?

原因太多，

一，因為無先例，我地的政務官唔知乜先係既定程序。

二，因為唔知使唔使包機，驚巿民同議員罵浪費公帑。

三，習慣左親疏有別處事，但認唔出邊條魚係邊條魚，所以無辨法先醫邊一條，搞到條條出事。

四，官員由前港督彭定康同總理溫家寶的做法，學識了要到民間視察，但未學識前領導人毛澤東同江澤民游水，所以唔識落水先做一場政治騷，等啲中華鱘安心落地生根。

五，曾特首早年用公帑睇風水，已經比人大罵浪費，今日就算心想用風水師，都唔敢講出口，如果真係做，又要落標，價低者得，一個一千幾百都肯做的，咁就請唔到我慕容大師咁樣質素的大師啦，…..但老實講，我睇陽它陰宅就多啫，叫我地睇水，絶對唔係專長，講睇水，最叻，可能係班賊，比你搵到幫賊，搞得來，啲魚到死晒啦。

====================笑================

你講左咁多唔得的方法，不如講啲有建議性的方法啦。

唯今之計，仲有五招可用。

第一招，搵人食左死貓，對唔住，係死魚，梗左佢，自己了斷。

第二招，搵政治化粧師，幫條魚化粧，死都化番生。

仲有，要搵公立醫院殮房的人配合，因為佢地先可以做到條屍唔見左，不翼而飛。

第三招，係搵個啲做野成日都咁魚，餐餐魚的局長做診斷，因為佢地魚得多，自然明白同類出左乜事。

第四招，轉移視線，例如好似美國咁，就成日話外邊有大殺力武器，出兵伊拉克。

咁但係香港咁細，打邊個呢，又無理由打澳門丫。可行做法，係靠民間力量，發起打小人。反正世界潮流興掟鞋，分分鐘隨街有鞋執。

第五招最簡單，就係將香港變成中華鱘養殖場，只要香港突然有一千幾百條中華鱘，咁死三兩條咪唔覺眼囉。

咁都得?

你點知唔得呢，正所謂: 世事如棋，每局都光怪陸離